Rama poston pamjet nga Shpiragu: Vijojnë testimet e fundit tek puset e kërkimit të naftës

08:45 | 28 Gusht 2023
E.H

Kryeministri i shqiptar, Edi Rama e ka nisur javën me një video ku shfaqen puset e kërkimit të naftës në Shpirag të Shqipërisë.

Me anë të një postimi në rrjetin social Facebook, Rama theksoi se kompania SHELL po kryen punën me testimet e fundit për të zbuluar nëse do të vijohet me operacionet e nxjerrjes së naftës.

“Mirëmëngjesi, dhe nga puset e kërkimit në Shpirag, ku kompania SHELL po vazhdon punën për testimet e fundit, e ku të dhënat deri tani janë tejet optimiste për potencialin e rezervës së identifikuar në nëntokën shqiptare, ju uroj një javë të mbarë”, shkruan Rama

Më herët kryeministri është shprehur se nafta në këtë zonë është e një cilësie shumë të lartë dhe nëse puna në Shpirag do vijojë, atëherë Shqipëria do njohë një zhvillim të madh ekonomik./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm